VIDEO/ “U hodhën nga dritaret për të shpëtuar”, detaje nga aksidenti ku humbën jetën shqiptarët nga Maqedonia e Veriut

Kreu i shërbimit të kontrollit të fatkeqësive të vendit, Nikolay Nikolov, deklaroi se 45 njerëz vdiqën në aksidentin, i cili ndodhi rreth orës 02:00 në një autostradë 40 kilometra në jug të kryeqytetit Sofje.

Ndërsa Maya Arguirova, drejtuese e qendrës së trajtimit të djegieve ku u transportuan, të plagosurit u shpreh se “të mbijetuarit janë të traumatizuar, kanë humbur të afërmit, fëmijët. Ata u hodhën nga dritaret për të shpëtuar”.

Autobusi, që ishte i regjistruar në Maqedoninë e Veriut dhe po udhëtonte nga Stambolli në Shkup, ka shpërthyer në flakë pasi është përplasur.

Mediat në Maqedoni bëjnë me dije se të gjithë personat që humbën jetën janë shqiptarë të Maqedonisë së Veriut, ndërsa dy shoferët maqedonas.