Një aksident me pasoja të rënda i ka marrë jetën dy vëllezërve në Greqi. Viktimat janë të moshave 33 dhe 36 vjeç, ndërkohë që shkak i aksidentit mësohet se u bë përplasja e makinës së tyre me një kamion.
Aksidenti u shënua pasditen e së martës në autostradën Vlachioti – Molaon.
Mediat greke thonë se rrethanat e përplasjes së makinës me kamionin janë ende të paqarta. Nga përplasja e fortë humbën jetën dy vëllezërit që udhëtonin me automjet.
Në momentin e aksidentit rruga ka qenë me lagështirë si pasojë e reshjeve të shiut.
