Tragjike në Fier/ Rrëmbehet dhe v ritet një fëmijë 8 vjeç, arrestohet autori i dyshuar (EMRI)

Një ngjarje e përmasave tragjike ka ndodhur në fshatin Grecali të Fierit.

Mësohet një fëmijë është marrë peng nga fqinji.

Ky i fundit e ka mbajtur vogëlushin në banesë dhe më pas e ka vrarë, duke e groposur trupin në oborr.

Ndërkohë policia ka arrestuar autorin e dyshuar, i cili është identifikuar si Klodian Çalamani.

NJOFTIMI ZYRTAR I POLICISE

Informacion paraprak

Sot rreth orës 15:30 është bërë njoftim nga shtetasja F. V se nuk është kthyer në banesë djali i saj i vitlindjes 2013.

Me marrjen e njoftimit shërbimet e Komisariatit të Policisë Fier kanë bërë shpalljen në kërkim dhe në mënyrë të menjëhershme nga veprimet në terren, duke vlerësuar maksimalisht situatën dhe rëndësinë e saj, kanë marrë informacion, kanë punuar në grumbullim dhe administrim të provave dhe kanë bërë të mundur gjetjen e vendit të dyshuar ku mund të ndodhej fëmija i humbur.

Mbi bazën e vlerësimit të provave, në banesën e shtetasit K. Ç., 38 vjeç, pas kontrollit, është bërë e mundur gjetja e trupit të fëmijës së dyshuar i humbur, i mbuluar me baltë.

Menjëherë është bërë kapja dhe shoqërimi i autorit të dyshuar në Komisariatin e Policisë Fier dhe nën drejtimin e Prokurorisë së Rrethit Gjyqësor Fier po punohet për kryerjen e veprimeve të plota procedurale, zbardhjen e rrethanave të ngjarjes dhe motiveve të saj.