Të paktën 7 burra kanë përfunduar në polici në Indinë perëndimore pasi një vajzë 16-vjeçare pretendoi se ishte përdhunuar shumë herë nga qindra burra.
Në një deklaratë për Komitetin e Mirëqenies së Fëmijëve të Indisë (CËC) në datën 11 nëntor, vajza, e cila ishte e pastrehë, pohoi se ishte përdhunuar nga 400 njerëz në distriktin Beed të shtetit Maharashtra.
Midis tyre nё ankesё, vajza pёrmendi edhe dy policë.
Sipas kryetarit të CËC Abhay Vitthalrao Vanave, vajza po lypte për para në një stacion autobusi në momentin kur dyshohet se u shfrytёzua pёr punë seksuale nga tre burra.
Ndërkohë numri i përdhunuesve të dyshuar është i vështirë për t’u vërtetuar, por vajza u shpreh se mund të identifikonte të paktën 25 prej tyre.
“Vajza kishte bёrё përpjekje pёr të paraqitur një ankesë në polici kundër një burri që e kishte rrahur, por oficerët nuk e regjistruan atë”, u shpreh Vanave.
Sipas deklaratës, vajza i tha policisë se ishte martuar në moshën 13-vjeçare me një burrë 33-vjeçar i cili e abuzonte seksualisht.
