“Shqipëria dhe Kosova do të bashkohen” Takimi i Ramës dhe Kurtit në Elbasan, ja çfarë shkruajnë mediat serbe

Media serbe b92.net ka shkruar një artikull në të cilin thuhet se Shqipëria dhe Kosova do të bashkohen.

Shkrimi vjen pas takimit të përbashkët  sot mes dy qeverive në Elbasan.

Mediumi është ndalur konkretisht tek deklaratat e kryeministrit Edi Rama dhe homologut Albin Kurti, të cilët u pyetën nga gazetarët e pranishëm për një bashkim të mundshëm mes dy shteteve.

“Kryeministri i Shqipërisë Edi Rama është shprehur se beson se Shqipëria do të bashkohet me Kosovën. Rama shtoi se nuk e dinte se kur do të ndodhe kjo”, shkruan media serbe ndërsa ka cituar pjesë nga deklarata e Ramës: “Nëse më pyesni hipotetikisht për një referendum paqësor për bashkimin kombëtar, do të shkelja ligjin për fshehtësinë e votimit – e them hapur do votoja pro. Në rast se pyesni nëse do të ndodhë kjo apo jo, duke provokuar,  unë them do të ndodhë, por se kur  nuk e di. Por do të ndodhë një ditë”.

“Rama theksoi se ata që mund ta interpretojnë deklaratën e tij si “kërkesë” për krijimin e Shqipërisë së Madhe, duke i cilësuar si “fallxhorë” nuk gjykohen”, vijon më tej media serbe.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Kujtojmë se këtë të premte u mbajt takimi i shtatë mes qeverisë së Shqipërisë dhe Kosovës ku edhe u nënshkruan 13 marrëveshje ndërqeveritare.