Disa ditë më parë kryeministri Edi Rama dha një konferencë për shtyp në lidhje me mbingarkesën dhe keqmenaxhimin në institucionin e Ujësjellësit.
Pas ultimatumeve që ai bëri gjatë fjalës së tij, kanë nisur dhe shkarkimet e menjëhershme.
Mësohet se ndryshime drastike janë bërë në Ujësjellësin e Vlorës.
Gjatë javës që lamë pas janë shkarkuar 30 persona.Këto vendime janë marrë nga drejtuesja e re e institucionit Elona Hodaj, e cila duket se ka nisur një riorganizim të punonjësve në pikat përkatëse në këtë qytet.
Gjithashtu duket se këto nuk do të jenë të vetmet ndryshime. Priten ende lëvizje të punonjësve të cilët punojnë në pozicione të ndryshme pa kualifikimin përkatës.
Kujtojmë se Elona Hodaj ka disa ditë e zgjedhur në këtë post.Duket se “fshesa” ka prekur Ujësjellësin e Vlorës.
