Caktohet data e seancës për shqyrtimin e shkarkimit të presidentit Ilir Meta.

Mësohet se Gjykata Kushtetuese ka vendosur që takimi do të zhvillohet më 18 janar 2022, ora 10:00.

Pritet që Kreu i Shtetit të thërritet në Kushtetuese, për të treguar faktet dhe provat e tij, e më pas, është kërkuar që të gjitha palët të japin pretendimet e tyre me shkrim, derisa çështja të kalojë në seancë plenare.

Kujtojmë se Kuvendi votoi më 9 qershor 2021 për shkarkimin e kreut të shtetit shqiptar dhe miratoi me 104 vota pro raportin e Komisionit hetimor Parlamentar.

Tani më pritet vendimi përfundimtar i Gjykatës Kushtetuese, e cila do të vendosë për shkarkimin ose jo të Metës si president.