“Shembja e mureve në kokë, më e vështirë se e atyre realë” Ilir Demalia kujton 32-vjetorin e rënies së Murit të Berlinit

Analisti i njohur Ilir Demalia ka kujtuar sot 32-vjetorin e shembjes së Murit të Berlinit.

Duke i bashkangjitur tekstit dhe një foto personale që i përket vitit 1990, ai shkruan me tone kritike realitetin që Shqipëria përfaqëson sot pas 3 dekadash pluralizmi.

Sipas tij spiunët e Sigurimit pas kësaj ngjarjeje historike u zgjuan me teserën blu në xhep.

Demaliaj thekson se shembja e Murit të Berlinit solli dhe rënien e regjimeve komuniste të lindjes, por nuk solli dot rënien e mendësisë komuniste të gjykimit dhe të sjelljes.

Sot pas 31-vjetësh sipas analistit ne jemi një “shoqëri turli politiko-sociale-kulturore-administrative fshataro-demo(n)kratike”.

REAGIMI I PLOTE:

Të shëmbësh muret në kokë qenka shumë më e vështire se shëmbja e mureve real.

Më 9 nëntor 1989 ra Muri Berlinit dhe u hapën galerat e regjimeve komuniste të lindjes. Në Shqipëri por edhe shumë vende të lindjes ka rënë Muri, por i ka zënë përfund dhe i ka bllokuar në mendesinë komuniste të gjykimit dhe sjelljes. Si komunistët dje dhe antikomunistë sot, dhe si “antikomunistët” sot dhe shërbëtorët e zellshëm dhe spiunët regjimit dje, dhe si të persekutuarit dhe gjasme të persekutuarit sot, si antipod komunisto-antikomunist janë kthyer si rraqe GABI me retorikën bajate të persekutimit.

Shqipëria pas 31 vjetësh është një shoqëri turli politiko-sociale-kulturore-administrative fshataro-demo(n)kratike .

Pa themel u krijua si shtet me çallmat dhe brekushet e bejlerëve shërbëtorë të zellshëm të Perandorisë Otomane më 1912.

Pa themel u emërua pluralizmi me shërbëtorët dhe spiunët e regjimit komunist në dhjetor 1990, që me teserat e kuqe të PPSH në xhep në darkë, u zgjuan me tesera blu në mëngjes sebashku me spiunët e Sigurimit

Faktet tashmë janë të hapura, por mentaliteti përgjithshëm ruralo-komunist dhe mungesa e elitave ndërgjegjësuese dhe atdhetare duke qenë gjithmonë shërbëtorë të pushtave të pushteteve, i ka zënë përfund dhe sillen e përleshen me njëri tjetrin si në nje baltovinë derrash.

Po të ndjekësh verbin politik-social, mediatik-kulturor-artistik është e njëjta mendësi dhe sjellje si në 90 ën.

Foto në “Murin e Berlinit” në gusht 1990.