“Sapo të vish në qeveri, shpalle ‘non-grata’” Evi Kokalari mesazh Sali Berishës, nxjerr emrin e personazhit të njohur

Aktivistja Evi Kokalari ka deklaruar sot nga takimi i lëvizjes “Foltorja” në Pogradec se më 11 dhjetor Sali Berisha do të bëhet kryetar i Partisë Demokratike.

Ajo u shpreh se gjëja e parë që duhet të bëjë Berisha sapo të vijë në pushtet, është shpallja “non-grata” e George Soros në Shqipëri.

“Kur po ecnim këtu të dy thamë se kemi kaluar shumë vite pushim në Pogradec dhe për të dy ne është shumë i dashur.

Zoti Berisha foli shumë për Edi Ramën, por unë dua të fokusohem tek Lulzim Basha. Problemi është tek gjërat që ka bërë. Kam parë që Lulzim Basha ka sulmuar kryetarin e FRPD dhe dua t’i them flm Albana Vokshit që është ngritur kundër Bashës. Numri tre është që në 11 dhjetor kryetari i ri do jetë Sali Berisha.  Herën e fundit që isha në Shqipëri thosha që Berisha do jetë kryetar i PD dhe tani them që Berisha duhet të jetë kryeministër dhe sa të bëhet kryeministër gjëja e parë që duhet të bëjë të shpall non grata George Soros. Ka 5 zyra në Ballkan dhe vetëm 2 zyra në BE”, tha Kokalari.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern