Rrëmbimi dhe v rasja e fëmijës në Fier/ Kush është autori monstër, kishte torturuar dhe një vajzë më parë

Një krim tronditës ndodhi sot në fshatin Grecali të Fierit.

Klodian Çalamani rrëmbeu, vrau dhe më pas groposi një fëmijë 8 vjeç.

Sipas informacioneve për autorin nuk është hera e parë që rrëmben fëmijë pasi dhe më herët ka rrëmbyer një vajzë, por nuk e ka vrarë.

Fati ishte tragjik për 8-vjeçarin që u rrëmbye sot. Ngjarja e rëndë ishte regjistruar në vitin 2012.

Çalamani së bashku me një person të quajtur Florian Vasiu kishin rrëmbyer dhe torturuar një vajzë 16-vjeçare.

Ai së bashku me shokun e tij, Florian Vasiu, 25 vjeç, nga fshati Grecalli kanë marrë peng një vajzë, atëherë 16-vjeçare. Florian Vasiu e pëlqente vajzën, por ajo nuk i përgjigjej, pasi ishte e lidhur me dikë tjetër. Pikërisht i dashuri i saj ka ndaluar të rinjtë dhe i kanë thënë që të mos e bezdisnin më vajzën. Ky veprim i të dashurit të vajzës ka acaruar të rinjtë, të cilët e kanë marrë peng dhe e kanë torturuar për 20 minuta.

Floriani dhe Klodiani kishin planifikuar ndëshkimin e fqinjës së tyre të mitur, duke e kërcënuar se do t’ia shëmtonin pjesë të ndryshme të trupit të saj, pikërisht gjoksin, duke ia prerë me biçak.

Nga hetimet e Prokurorisë së Fierit ka rezultuar se për të arritur qëllimin e tyre, një prej të dënuarve, Klodiani, ka kërcënuar edhe motrën e tij, E. Çalamani, e cila është përdorur për të futur në kurth adoleshenten. Dy të rinjtë u dënuan nga Gjykata e Fierit, me nga katër vjet burgim për veprën penale të heqjes së lirisë të kryer në bashkëpunim, bazuar në nenin 110/2 të Kodit Penal.