“Pyet atë që e ke si balonë tabake” Rama bën deklaratën e papritur, demokratët replikojnë nga vendi

Nuk kanë munguar “thumbimet” nga ana e kryeministrit Edi Rama as në seancën e sotme.

Duke folur për shifrat e varfërisë, ai iu drejtua liderit të Partisë Demokratike Lulzim Basha, por duke ironizuar deputeten Jorida Tabaku.

“Ja pra se unë po t’i tregoj shifrat. Nëse nuk i di ti, pyet atë që ke si balonë tabake,” tha Rama.

Në këtë moment, deputetët në radhët e PD u revoltuan me këtë që e konsideruan si ofendim nga kreu i qeverisë.

Ndërkohë kryeministri Rama u përpoq të shfajësohej me mënyrën e tij: “Asnjë problem etik s’ka këtu…balenat janë objekte me të cilat kemi luajtur kur kemi qenë të vegjël, ka pasur edhe taruge e tabakë. Po ç’keni më, se të jesh balonë tabake ku ma gjen, është gjë e mirë. Është balona tauke ajo që s’bën”.