“Puçist je vetë” Grupi pro-Berishës i përgjigjet ‘flakë për flakë’ Lulzim Bashës

Gjatë një daljeje për mediat, Gent Strazimiri, i cili është rreshtuar në krah të ish-kryeministrit Sali Berisha, ka folur me tone të ashpra në drejtim të kreut të Partisë Demokratike, Lulzim Basha.

Ai shtoi se puçisti në këtë rast është lideri demokrat që po tenton të mos i bindet vendimit të delegatëve për mbledhjen e Kuvendit.

Strazimiri në fjalën e tij u shpreh se “Të gjithë janë vartësit e Kuvendit edhe Kuvendi i 11 dhjetorit do të verifikohet”.

“Shumica absolute e anëtarëve kanë firmosur për të mbledhur kongresin. Kuvendi është organi më i lartë. Si i tillë vetëverifikohet. Si ndodh kjo; vetë Kuvendi miraton një grup për verifikim. Të gjithë janë vartësit e Kuvendit. Edhe Kuvendi i 11 dhjetorit do të vetë verifikohet. Kemi paraqitur numrin e firmave që janë mbledhur nga anëtarësia. E kemi bërë për transparencë.Për efekt për transparencës u dorëzuan 4200 firmat e anëtarëve të Kuvendit. I kemi dorëzuar tek organi i dytë, Edi Paloka. Kush ka dëshirë dhe kuriozitet mund të shkojë dhe t’i shohë. Por jo të verifikojë. Çdo interpresim tjetër që bëhet është efekti i një paniku. Është e palezetshme”, u shpreh Strazimiri në fjalën e tij.