Po afrojnë festat/ Së shpejti në treg filmi ‘Home Sweet Home Alone’

Me afrimin e Krishlindjeve, dhe krijimin e atmosferës së festave, të gjithëve ju vjen në mendjen edhe filmi klasik  me vogëlushin Kevin (Macaulay Culkin “Home alone”).

Ky film ka pasur gjithmonë një vend të veçantë si një nga filmat festivë më ikonikë të të gjitha kohërave, dhe pas 31 vitesh nga lançimi i tij, Disney po sjell një film të ngjashëm, për të gjithë nostalgjikët.

Titulli do të jetë “Home Sweet Home Alone” dhe traileri i ri i filmit premton të jetë po aq fantastik sa filmat e parë.

Në qendër të këtij filmi është një djalë çapkën dhe i shkathët, Max Mercer  (Archie Yate), i cili ka mbetur vetëm në shtëpi pasi familja e tij shkon në Japoni për pushime.

Ellie Kemper dhe Rob Delaney vijnë në rolin e hajdutëve, Pam dhe Jeff Fritzovski, një çift i martuar që është një ndryshim kryesor nga filmi origjinal.

Aktorë të tjerë që do të marrin pjesë janë: Archie Yates, Ellie Kemper, Aisling Bea, Kenan Thompson, Tim Simons, Pete Holmes, Devin Ratray, Ally Maki dhe Chris Parnell.

Filmi do të shfaqet për herë të parë në “Disney+” më 12 nëntor të këtij viti.

Sipas ComicBook.com, nuk është vetëm filmi “I vetëm në shtëpi” që do të ripërpunohet, pasi e njëjta do të ndodhë edhe me filmat tjerë të famshëm si: “Night at the Museum” dhe “Diary of a Wimpy Kid”.