Pas tensioneve të shumta, Çalamani nuk u paraqit në seancë. Gjykata merr vendimin pa praninë e autorit

Gjykata e Fierit ka caktuar masën e sigurisë “arrest me burg” për autorin e vrasjes makabre të 8-vjeçarit Mateo Vasiu në fshatin Grecalli pardje në mbrëmje.

Për shkak të  tensioneve të shumta jashtë godinës pasi kishte të pranishëm shumë familjarë dhe qytetarë të revoltuar për këtë ngjarje, seanca është zhvilluar pa praninë e vrasësit 38-vjeçar Klodian Çalamani.

Policia ka marrë deklaratën e tij duke shprehur vullnetin që gjykimi të bëhej në mungesë.

Ndërkohë gjyqtarja Sonila Hoxha dhe prokurori Çlirimin Sino kanë marrë vendimin për të lënë në qeli autorin.