LIGJET E BIZNESIT
Gjyshja e 6-vjeçares që u dhunua nga babai në Kamzë, ka hedhur poshtë të gjitha akuzat që bëri ish-nusja në drejtim të tyre.
Ajo ngre dyshime madje dhe mbi rrëfimin e vajzës së mitur në spital dhe i druhet një manipulimi të mundshëm nga nëna e saj.
Gjatë një interviste për emisionin “Me zemër të hapur”, gjyshja tregon se nusja është ndarë kur ishte shtatzënë me djalin e saj, ndërsa marrëdhënia e tyre më shumë është zhvilluar në dyert e komisariatit.
“Pasi u prish martesa kishte bërë denoncim në Lezhë, dhe kishte ka shkuar djali atje e ka dhunuar ka tentuar ti marr vajzën. Kemi vajtur atje me burrin dhe djalin, djalin e nxorën të pafajshëm. Ajo kishte paditur pas tri ditësh që ka më ka dhunuar dhe ka dasht metë më rrëmbejë vajzën. Ka ardh fleta e gjyqit, dhe procesit. Ai nuk e kishte takuar kurrë vajzën.
Çifti është ndarë kur gruaja ka qenë shtatzënë. Nga spitali ku ishte në rrezik dështimi, u largua. Pas disa kohe kanë ardhur me një shoqatë të Shkodrës, na pyetën për djalin. i tham është në punë. I thash për çfarë e doni djalin? Ajo e shoqatës më tha se duan një letër që vajza të lëvizë jashtë. Por vajzën nuk e kishim parë kurrë. I them, po, por është puna se nusja e ka akuzuar djalin se ka shkuar t’i rrëmbejë dhe e ka hedh në gjyq. Më tha e ka bërë denoncimin për të marrë lekë nga shoqata.” rrëfeu ajo.
Materialet i ke parë, rrëfimin e vajzës?
Për dëshminë nuk kam çfarë mendoj, mjerë ai fëmijë që e përjeton.
Në lidhje me ngjarjen çfarë mendon?
Unë përveç se i ka ra me thupër nuk mendoj se i ka bërë gjithë ato dëmtime, veç të jetë kafshë. Gjithsesi vepron ligji. Dhuna është çnjerëzore.
Pse mund ta ketë bërë?
Nuk e besoj se e ka bërë djali jonë atë punë. Të verifikohet një herë. Ai ka pohuar se e ka rrahur, po nuk e di kam qenë në shpinë time, gjykoj për aq sa e njoh djalin tim.
Nëna ka pohuar se ju e telefononi për të tërhequr denoncimin.
Jemi interesuar, më mori djali më tha e kemi vajzën sëmurë. Kam folur me nusen e kam pyetur si është më ka thënë është rëndë, më tha ka helmim. E kam marr shpesh për ta pyetur se si është vajza. Nëse i kontrolloni telefonat e shihni. Në atë moment s’më ka rënë në mend që e kam djalin kund, para vajzës.
A kanë udhëtuar ndonjëherë drejt spitalit?
Po, kemi shkuar direkt. Ditën e premte natën që na morën në telefon. Nusja më tha vajza është shumë rëndë na duhet gjak. Po i kam thënë do të vimë, nëse gjaku kombinon. Ka fol edhe im shoq, shitëm lopën, u nisëm direkt për Tiranë. Vajtëm në komisariat, pyetëm për djalin. Në komisariat ishte edhe nusja. Kur e merrja në telefon më thoshte jam e zënë, po shkoj në spital. Jashtë pritëm për dy orë te komisariati, dhe doli psikologia e tha ‘s’ka mundësi të takosh sot vajzën se është rëndë’.
Më pas tha nusja hajdeni shkojmë të gjithë bashkë e takojmë vajzën. Kur shkojmë atje, e marr sërish e më thotë po vi me polici, gjithmonë më thoshte jam e zënë, s’më lënë as mua ta takoj. Takuam motrën e saj, nuk na lanë për të parë vajzën. Gjakun nuk e dhuruam, nuk na lejuan të futemi brenda.
Kush nuk të ka lejuar?
Te komisariati më tha psikologia, për në spital nusja na tha ‘po shkojmë bashkë’ po nuk erdhi.
Dhuna është cnjerëzore po nuk e ka bërë djali im, kush e ka bërë?
Është shteti më i fortë aty, nuk e di unë. Nuk kam dyshime. Vajzën një herë e kam parë.
