“Nis puna për hekurudhën e re Tiranë- Durrës” Rama jep lajmin dhe nxjerr fotot

Kryeministri Edi Rama ka bërë me dije sot se ka nisur ndërtimi i hekurudhës së re Tiranë- Durrës.

Sipas tij fillimisht do të largohen shinat e vjetra.

“NIS PUNA për Hekurudhën e re Tiranë – Durrës me largimin e shinave të vjetra”, shkruan kreu i qeverisë, teksa publikon dhe foto nga procesi.

Në mbledhjen e parë që nga nisja e punës së qeverisë së re, më 23 tetor Këshilli Kombëtar i Territorit miratoi lejen e ndërtimit për linjën hekurudhore Tiranë-Durrës.

Linja hekurudhore Tiranë-Durrës dhe lidhja e saj e re me Rinasin do të zbatohet nga kompania INC spa, e cila u shpall fituese një vit më parë ndërkohë që autoriteti kontraktor mbetet Hekurudha Shqiptare. Kostoja totale e projektit është 92.1 milionë euro, nga të cilat 35.5 milionë euro grant mbulohet nga Kuadri i Investimeve i Ballkanit Perëndimor dhe 36.9 milionë euro është i mbuluar nga kredia e BERZH, ndërsa pjesa e mbetur do financohet nga qeveria shqiptare.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern