Nis arrestimi i atyre qe thyejnë karantinën nga virusi

OBSH-ja është e shqetësuar për përhapjen e variantit Omicron dhe për rrezikshmërinë e tij. Zyrtarë të organizatës thanë se varianti i ri është 500 herë më infektues dhe mund të riinfektojë personat të cilët e kanë kaluar sëmundjen. Të premten në aeroportin e Amsterdamit u zbuluan 13 persona të infektuar  me Omicron që udhëtonin nga Afrika e Jugut.

Qytetarët u karantinuan në një hotel pranë aeroportit, por dje një çift u arratis nga ambientet e hotelit. Të dy të infektuarit u ndaluan nga forcat e policisë në momentin që avioni i tyre po nisej drejt Spanjës. Çifti pas arrestimit iu dorëzua autoriteteve shëndetësore.

Qeveria holandeze aplikoi një lockdown të dielën, për shkak të rritjes së infektimeve dhe shqetësimit për variantin e ri. Njësitë e shërbimit do mbyllen më herët dhe në shtëpi do lejohet një numër i kufizuar vizitorësh.