Gruaja që shikoni në videon e mëposhtme ka pasur pasion armët që kur ishte e vogël, kur babai i saj e mori për herë të parë për gjueti dhe e mësoi se si të qëllonte.
Bëhet fjalë për Mona Al-Khurais, e cila sot në moshën 36-vjeçare është një qitëse profesioniste.
Ajo jep mësim në poligonin “Top Gun”, në Riad, ku ka pasur edhe shumë kërkesa nga vajza.
“Shpresoj që eksperiencën time ta ndaj me sa më shumë gra dhe vajza saudite dhe të inkurajoj sa më shumë prej tyre që të hyjnë në një fushë që më parë ishte e rezervuar vetëm për meshkujt”, tha ajo.
Ajo kujton se kur nisi fillimisht punë në poligon, ishin femrat ato që e kritikonin më së shumti: “U habita, pasi prisja që meshkujt të ishin më shumë kundërshtues ndaj meje. Por, mora më shumë kritika nga femrat”.
Mona Al-Khurais u shpreh se qëllimi i saj i madh është që të marrë pjesë në një Olimpiadë.
