Fëmijët japonezë së shpejti mund të kenë para në xhepat e tyre. Si pjesë e një pakete stimulimi të lidhur me koronavirusin, qeveria e Japonisë po planifikon të japë 100,000 ¥ (880 dollarë) për të gjithë fëmijët nën moshën 19 vjeç.
Rreth 20 milionë fëmijë, nga të porsalindurit e deri tek 18-vjeçarët, do ta marrin këtë pagesë.
Nisma është pjesë e një premtimi zgjedhor nga kryeministri i sapozgjedhur i Japonisë. Në fushatë, ai u zotua të ndihmojë “njerëzit në nevojë”, si punëtorët me kohë të pjesshme dhe familjet me fëmijë të vegjël.
Zyrtarët shprehen se paratë do të jepen pavarësisht gjendjes financiare të familjes së një fëmije. Fëmijët në çdo familje do të marrin paratë cash. Ky plan pritet të kushtojë rreth 2 trilion ¥ (17.6 miliardë dollarë).
