LIGJET E BIZNESIT
Gjatë mbledhjes së kryesisë së Partisë Demokratike që po zhvillohet në selinë blu, lideri Lulzim Basha ka marrë një vendim të papritur.
Ai ka vendosur që të mbledhë Kuvendin Kombëtar të forcës politike që përfaqëson më datë 18 dhjetor, vetëm një javë pas datës që caktoi ish-kryeministri Sali Berisha, duke e sfiduar kështu në mënyrë të hapur.
Në fjalën e tij ai nuk ka kursyer as akuzat ndaj Berishës, për të cilin tha se po kërkon të mbledhë një miting, që ngjan më shumë si një nevojë që nmjë pjesë të PD-së t’ia kundërvejë SHBA-ve. Sipas tijn, Berisha ka vendosur ë një problem të tij personal me SHBA t’ia imponojë partisë si problem të PD-së.
Pjesë nga fjala e Bashës:
Thirrja e Kuvendit nga Berisha, nevojë për t’i kundërvënë SHBA-ve një pjesë të vogël të PD
E thirra këtë mbledhje për të diskutuar e marrë sebashku një vendim shumë të rëndësishëm për të sotmen dhe të ardhmen e Partisë Demokratike.
Prej dy muajve Sali Berisha ka vijuar një aksion që nuk ka lidhje me Partinë Demokratike, me të sotmen dhe të ardhmen e kësaj partie, me nevojën që kanë demokratët dhe shqiptarët për të parë PD të udhëheq vendin. Ka vendosur që një problem të tij personal me SHBA tja imponojë partisë si problem të PD.
Për këtë ka njoftuar në facebook një miting me datë 11 Dhjetor, që ngjan më shumë si një nevojë për t’i kundërvënë një pjesë të vogël të Partisë Demokratike, aleatit tonë më të rëndësishëm strategjik SHBA.
E drejtë e tij, ta bëjë, t’ia kundërvendosë, mund t’i shpallë edhe luftë nëse dëshiron, por këtë siç kam thënë prej ditës së parë, nuk e bën dot as në emër të demokratëve dhe as në emër të PD.
Nuk do të ketë kuvend kombëtar të PD me 11 dhjetor
11 Dhjetorin nuk mund ta shndërrojë dot Sali Berisha, nga dita e lirisë, dita e demokratëve, dita e demokracisë, në ditën e bunkerizimit të PD, në ditën e izolimit të PD.
Ai dëshiron ta bëjë, sepse vetëm ashtu mendon se i shërben hallit të tij. Por detyra jonë është ti shërbëjmë hallit të demokratëve dhe jo hallit të Sali Berishës.
Partia Demokratike e Shqipërisë do të përqëndrohet tek ajo që kemi marrë përsipër: ti prijmë demokratët drejt qeverisjes së vendit, të mundim të vetmin kundështar që kemi Edi Ramën dhe të krijojmë një të ardhme për shqiptarët.
Për këtë arsye, për t’i shërbyer demokratëve dhe jo hallit të Sali Berishës, i propozoj Kryesisë së Partisë Demokratike:
- Thirrjen e Kuvendit Kombëtar me 18 dhjetor
