Kosovë, ditë zie për viktimat e aksidentit me 46 viktima në Bullgari

Presidentja e Republikës së Kosovës, Vjosa Osmani, e ka shpallur ditën e sotme ditë zie shtetërore në Kosovë në nder të viktimave të aksidentit tragjik në Bullgari.

“Presidentja e Republikës së Kosovës, Vjosa Osmani, në mbështetje të legjislacionit në fuqi, ka marrë vendim të mërkurën, me 24 nëntor 2021, të shpallet ditë zie shtetërore në shenjë solidarizimi dhe nderimi të qytetarëve të Maqedonisë së Veriut, shumica dërmuese bashkëkombas tanë, të cilët kanë humbur jetën tragjikisht në aksident trafiku në Bullgari”, thuhet në njoftimin e Presidencës.

Përmendim që dje është shënuar një aksident tragjik, ku një autobus me shqiptarë të Maqedonisë së Veriut në Bullgari pësoi një aksident. Nga aksidenti humbën jetën 45 persona, ku mes tyre kishte edhe fëmijë.

Maqedonia e Veriut ka shpallur tre ditë zie për këtë aksident tragjik.