“Kishte disa muaj që nuk ulej në lokale” Zbardhet dëshmia e shokut të Erigers Mihasit

Është zbardhur dëshmia e një prej miqve të Erigers Mihasit, 32-vjeçarit i cili mbeti i vrarë pas një atentati mafioz mbrëmjen e së shtunës në zonën e Astirit në Tiranë.

Mësohet se shtetasi me iniciale A.H ka deklaruar për policinë se i riu së fundmi ishte i kujdesshëm kur lëvizte dhe prej disa muajsh nuk ulej më në lokale.

“Erigersi ishte shumë i kujdesshëm kur lëvizte, kontrollonte deri me 4 makina mbrapa. Kishte disa muaj që nuk ulej në lokale, por kur dilte me ta lëvizte me makinë”, ka thënë shoku i viktimës.

Mihasi dyshohet të ketë qenë shënjestra e atentatit ku humbi jetën dhe Armando Dumani. Për ngjarjen po hetohen anëtarët e “klanit Duka”. Mihasi u vra kur kishte pak ditë që ishte kthyer nga jashtë shtetit.