Detaje të rënda nga ngjarja makabre në Fier, ku një 8-vjeçar u rrëmbye dhe u vra nga fqinji i tij. Mësohet se autori i dyshuar i krimit, 38-vjeçari Klodian Calamani jetonte i vetëm në fshatin Grecalli në një banesë me vetëm një dhomë në kushte shumë të vështira ekonomike. Ai kishte arsim minimal vetëm 4 klasë shkollë.
Hetimet kanë zbuluar se të miturin fillimisht e ka joshur duke i dhënë biçikletën dhe rreth orës 9:30 e ka futur në oborrin e banesës e më pas e ka qëlluar me një mjet të fortë pas koke (kazmë).
Pasi fëmija humbi jetën autori nxitoi të mbulonte gjurmën e krimit duke hapur një gropë rreth 50 cm në bahçen pranë banesës së tij ku fshehu trupin.
Në polici pasi ka pranuar krimin, ka treguar se ka vepruar i vetëm si për vrasjen e fëmijës ashtu edhe për groposjen e trupit. Policia po punon për zbardhjen e ngjarjes.
