LIGJET E BIZNESIT
Gazetari Artan Hoxha e ka cilësuar si të nevojshëm por jo të domosdoshëm urdhërin e ri të drejtorit të Policisë së Shtetit Gledis Nano që efektivët do ti nënshtrohen testit të drogës.
Ai u shpreh se më i rëndësishëm do ishte testi i alkoolit pasi ka një shqetësim më të madh në mas për këtë fenomen.
“Kjo është diçka e nevojshme, por jo i domosdoshëm. Testi i alkoolit do ishte dhe më i rëndësishëm, dhe është në masë më shqetësues. Nga kontakti që kam unë më shqetësues është testi i alkoolit. Drejtori e ka lëshuar këtë vendim, duke lëshuar edhe urdhrin sesi do të ekzekutohet. Testin kundër lëndëve narkotike e bëjnë të gjithë efektivët që dytën në patrullë dhe ata që janë në akademinë e sigurisë. Të gjithë ata që janë futur në këtë shkollë e kanë kaluar këtë gjë. Ndërkohë në raste e tjera ky test duhet të bëhet me përzgjedhje. Testi i kokainë, një përdorues nuk përdor një javë dhe në krye të javës ai del në rregull.
Unë shkova edhe në SPAK për atë kryetarin bashkisë, nuk u bë analizë e fijes së flokut, por vetëm e urinës, ajo në krye të javës të nxjerr të pastër. Ky si gjest ka impakt në media dhe në opinion publik. U diskutua shumë kohë që të bëhej testi i narkotikëve në Parlament. Në imazh të jep, dhe merr vëmendje, por sesa do të realizojë atje brenda, sigurisht çon edhe një mesazh tek ata që janë përdorues, që largohuni nga radhët e policisë. Nuk do të jetë si fushatë. Por, është diçka e nevojshme, por nuk e shikoj të domosdoshme,” u shpreh ai.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
