Iu përfshi banesa nga flakët, humb jetën vajza 12-vjeçare në Derviçan

Ka ndërruar jetë 12 vjeçarja në Derviçan të Gjirokastrës si pasojë e zjarrit në banesë, ndërsa babi i saj ka mbetur i plagosur.

Ajo ishte brenda banesës në momentin kur ka rënë zjarri, ndërsa dyshohet se ajo ishte me autizëm.

Paraprakisht mësohet se shkak i zjarrit është bërë ngrohja.

Policia dhe zjarrfikësja kanë shkuar në vendin e ngjarjes dhe po punojnë për zbardhjen e plotë të rrethanave.