“Hajdeni o popull hidhni firmat” Pas vendimit të Gjykatës për Klodian Çalamanin, familjarët bëjnë lëvizjen urgjente

Familjarët e 8-vjeçarit Mateo Vasiu të cilët ndodhen ende para Gjykatës së Fierit kanë nisur të nënshkruajnë një peticion.

Ata duan të mbledhin firmat e qytetarëve me kërkesën për të varur vrasësin e vogëlushit, duke bërë thirrje që kjo të ndodhë në mes të qytetit të Fierit.

“Hajdeni o popull hidhni firmat për varjen e vrasësit!”-thanë ata.

Kujtojmë që pak minuta më parë u dha masa e sigurimit arrest me burg per autorin e vrasjes makaber te 8 vjeçarit Mateo Vasiu ne Grecalli ngjarje e cila ka ndodhur ne mbremjen e pardjeshme.

Seanca gjyqësore është zhvilluar pa prani të autorit 38 vjeçar Klodian Çalamani ndërsa nga policia është marrë deklarata e tij duke shprehur vullnetin që gjykimi të  bëhej në mungesë të tij.

Ndërkohë nga trupi gjykues me pjesëmarrjen e gjyqtares Sonila Hoxha dhe prokuror Çlirim Sino është caktuar masa e sigurimit arrest me burg.