Nga takimi sot në Kurbin në kuadër të lëvizjes “Foltorja”, ish-kryeministri Sali Berisha u shpreh se Reforma në Drejtësi nuk është aspak e mirë.

Sipas tij shumica e shqiptarëve nuk i beson këtij procesi.

Berisha shtoi se dosjet sot në Gjykatën e Lartë përgatiten nga Delina Fico, e cila merr miliona dhe i trajton ato në kundërshtim me Kushtetutën.

“Reforma në drejtësi nuk është aspak e mirë dhe shumica e shqiptarëve nuk i beson. A e dini ju se dosjet sot në Gjykatën e Lartë përgatiten nga një mafioze si Delina Fico, e cila merr miliona dhe i trajton dosjes në kundërshtim me Kushtetutën, pasi dosjet duhet trajtuar nga këshilltarë juridike të specializuar. Ky është klubi i juristëve të PS-së të rekrutuar nga Saimir Tahiri me shokë. Delina i ma marrë dhe i ka futur në institutin e saj dhe merr miliona. Pra gruaja e ministrit të Brendshëm bën çfarë të dojë më këto dosje”, u shpreh Berisha.