LIGJET E BIZNESIT
Një 27-vjeçar shqiptar është arrestuar si autori i dyshuar i grabitjes së përgjakshme në një tabakino në Selanik, grabitje e cila përfundoi me vrasjen e punonjësit 44-vjeçar.
Mediat në Greqi bëjnë me dije se ai u arrestua në shtëpinë e tij mëngjesin e kësaj të hëne, 8 nëntor, ndërsa bashkëpunëtori i tij grek, 35 vjeç ishte arrestuar mbrëmjen e të dielës.
Por ndërsa punonjësi ka bërë rezistencë duke reaguar, grabitësi e ka goditur atë me dorezën e armës në kokë. 44-vjeçari është dërguar në spitalin e qytetit, ku si fillim janë konstatuar dëmtime kraniocerebrale. Pak minuta më vonë ai ndërroi jetë.
Zyrtarisht nga policia nuk jepet një shifër për shumën e grabitur por mediat atje patën raportuar për 700 euro. Nga ana e policisë dhe prokurorisë vijojnë hetimet për zbardhjen e ngjarjes së rëndë.
