LIGJET E BIZNESIT
Gjykata e Posaçme e Apelit për Korrupsionin dhe Krimin e Organizuar la datën 3 dhjetor për shpalljen e vendimit për grupin e Emiljano Shullazit.
Seanca gjyqësore, zgjati për më shumë se 6 orë, ndërkohë nuk kanë qenë të pranishëm avokatët apo të pandehurit.
“Komunikohet në mënyrë të përmbledhur se, sot më datë 24.11.2021, në Gjykatën e Posaçme të Apelit për Korrupsionin dhe Krimin e Organizuar, u zhvillua seanca gjyqësore për çështjen me nr. 1/4/5/24/138 akti, datë regjistrimi 13.12.2018, mbi ankimin e Prokurorit dhe mbi ankimet e të pandehurve E.Sh., E.Z., G.D., E.Q., dhe B.Sh. Gjykata pasi shqyrtoi çështjen, shtyu shpalljen e vendimit për në datë 03.12.2021, ora 13:00”, thuhet në vendim.
