LIGJET E BIZNESIT
Trajneri i Werder Bremenit, Markus Anfang, ka dhënë dorëheqje pas akuzave se falsifikoi dokumentin e tij të vaksinimit kundër virusit COVID-19.
47-vjeçari e kishte mohuar më herët një gjë të tillë kur u pyet nga klubi i tij, por pasditen e të premtes u njoftua se ai dhe ndihmësi i tij Florian Junge ishin larguar nga pozicionet e tyre në klubin e Bundesliga 2.
Anfang ishte emëruar nga fituesit e Bundesligës së 2004 vetëm në qershor të këtij viti, pas rënies së Werderit nga liga elitare e futbollit gjerman.
Megjithatë, me Werderin, klubi është tani në qendër të një skandali kombëtar, me Anfang të akuzuar për falsifikim dokumentesh.
Ditën e premte, trajneri këmbënguli që ai i kishte marrë të dy dozat në një qendër vaksinimi në Gjermani, pasi u mor në pyetje për këtë çështje nga hierarkia e Bremenit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Për shkak të stresit ekstrem të shkaktuar për klubin, ekipin, familjen time dhe veten time, kam vendosur të largohem menjëherë nga detyra ime si trajner i Werder Bremenit”.
“Kam kërkuar që drejtuesit e klubit të më zgjidhin kontratën, një kërkesë që ata e kanë pranuar. I uroj Werderit të gjitha sukseset në botë si për ndeshjen e sotme kundër Schalkes ashtu edhe për të ardhmen”, ka thënë Anfang në një deklaratë.
Zyrtarët e klubit tanimë me sa duket po përpiqen të lënë sagën pas tyre, dhe janë menjëherë në kërkim për një trajner të ri.
