Një nga ekspertët më të njohur të kulturës franceze po largohet nga Parisi për të jetuar në fshat, pasi kryeqyteti është shndërruar në një ‘kosh plehrash’ nën kryebashkiaken socialiste.
Stéphane Bern, 58 vjeç, që u punësua nga presidenti Emmanuel Macron si këshilltar kulturor, u shpreh se qyteti tani është bërë një vatër dhune dhe shëmtie pas një sërë reformash jopopullore nga Anne Hidalgo.
Kryebashkiakja ka mbikëqyrur një sërë reformash gjithëpërfshirëse për ta bërë qytetin ‘më të gjelbër’, duke përfshirë këtu korsi betoni për çiklizëm, planet për ta kthyer Champs-Elysées në një kopsht dhe heqjen e stolave tradicionale të shekullit të 19-të, pasi ato janë ‘seksiste’, e të gjitha ndërkohë që dështojnë në pastrimin e rrugëve.
