E trishtë, ishte zhdukur rreth 5 muaj më parë, gjendet i vdekur në pyll shqiptari

Gjendet pa shenja jete 41-vjeçari, Muhabi Islami nga Begraca e Kaçanikut, që ishte zhdukur rreth 5 muaj më parë.

Lajmin për gjetjen e trupit të viktimës e ka bërë të ditur një faqe në rrjetin social “Facebook”.

“Kaçanik, Begracë. Gjendet pa shenja jete, Muhabi Islami personi i cili ishte zhdukur para disa muajve i moshës 41 vjeç nga fshati Begracë. Ngushllime”, thuhet në njoftimin e publikuar në rrjete sociale.

Sakaq, viktima sipas familjarëve në datën 07.06.2021, kishte dalë nga shtëpia duke mos u kthyer më.

Pas njoftimit nga familja për zhdukjen e tij, ekipe të përbashkëta të policisë nga rajoni i Ferizajt ,FSK, Zjarrëfikësve dhe 40 vullnetarë, kishin nisur kërkimin e tij.