LIGJET E BIZNESIT
Zgjerohet edhe më tej rrethi i personave të përfshirë në çështjen e kultivimit të kanabisit në Përmet.
Mësohet se mes të arrestuarve është dhe kryeplaku i Frashërit, Klodjan Mustafa, 43 vjeç. Arrestimi i tij u pasua me një tjetër veprim nga ana e Prokurorisë së Përmetit, për detyrim paraqitje të inspektorëve të Policisë së zonës së Frashërit, Dhimitër Shytit dhe Maltin Dailajt.
Sakaq, detyrim paraqitje është vendosur edhe për inspektorin e Zonave të Mbrojtura në Përmet, Joan Amallanin. Të gjitha këto veprime ndaj uniformave të policisë, janë ndërmarrë pas sinjalizimeve nga SHÇBA E Vlorës.
Kjo është shoqëruar po ditën e djeshme me pezullimin nga detyra të shefit të Komisariatit të Përmetit, Petrit Gjokaza, ndërsa mbahet në arrest shtëpie, ish-shefi i krimeve të rëna të Komisariatit të Përmetit, Shpëtim Makashi.
Në vend të Gjokazës është komanduar Vilson Dine, shefi aktual i Policisë së Kriminale në Përmet. Në komisariatin e policisë së Përmetit procedohet shefi i komisariatit, ish-shefi i krimeve dhe specialistë policie të zonës pasi dyshohen të jenë te përfshirë në evidentimin e një parcele kannabis.
