“Djema, vr ava gruan”/ Burri masakron bashkëshorten në Greqi, vetëdorëzohet në polici

Një ngjarje tragjike ka ndodhur në Greqi. Një 49-vjeçar me origjinë armene, me banim në Selanik ka vrarë me thikë bashkëshorten e tij.

Ngjarja është shënuar mbrëmjen e kaluar, shkruajnë mediat e vendit helen. Sakaq, pas vrasjes, burri ka shkuar vetëm në polici dhe ka treguar se ka kryer krimin.

“Djema, vrava gruan time”.

Pas kontrollit në banesë, policia ka gjetur në dhomën e gjumit gruan, me plagë të shumta me thikë në gjoks dhe këmbët. Thika është gjetur në shtëpi dhe sot pritet autopsia për shkaqet e vdekjes së saj.

Çështja është marrë në dorëzim nga Departamenti i Krimeve kundër Jetës pranë Drejtorisë së Sigurimit të Selanikut.