Stinën e vjeshtës pothuajse nuk e ndjemë fare. Pati njerëz, të cilët frekuentonin plazhet në nëntor. Por gjithë ajo që nuk ra në stinën e vjeshtës, po ndodh këto ditët e fundit, që po karakterizohen nga stuhitë dhe reshjet. Ndërsa dimri do tregojë “dhëmbët” që ditët e para, parashikojnë meteorologët.
Stuhitë dhe reshjet do vijojnë gjithë fundjavën. Të martën nuk do ketë stuhi, por ulen temperaturat deri në -6 gradë celsius.
Kjo si pasojë e një mase të ftohtë siberiane. Verilindja, dhe juglindja do të përfshihen nga reshje dëbore jo vetëm në zonat malore, por edhe në qytete.
“Mbrëmë gjatë natës ka patur hyrje të një stuhie që është me origjinë nga Europa e Jugut, duke sjellë reshje në gjithë rajonin, madje janë shfaqur stuhi tëe forta detare. Parashikohen reshje të konsiderueshme edhe në orët në vijim, sidomos në zonën jugore. Ditët në vijim, gjatë festave, do kemi vranësira dhe shira. Do ketë një përmirësim të dielën, por ndryshon sërish të hënën. Të hënën gjatë natës do të kemi edhe reshje dëbore në gjithë zonën malore. Në momentin e ndalimit të reshjeve, do kemi temperature të ulëta, deri në -7 gradë. Pra, dhjetori nis me temperatura të ulëta, menjëhërë, që në ditët para”, shprehet Lajda Porja për Top Channel.
