Dhunimi dhe grabitja e biznesmenit në Nikël, lihet në burg njëri nga autorët e dyshuar

Gjykata e Krujës caktoi  masën ‘arrest me burg’ për Sajmir Kuçin, që akuzohet se bashkë me 6 persona të tjerë të kenë dhunuar barbarisht dhe më pas grabitur biznesmenin Nazmi Çangu në Nikël.

Ngjarja që terrorizoi mbarë opinionin publik ndodhi më 24 tetor të këtij viti në Fushë-Krujë, ku biznesmeni u dhunua për disa orë dhe më pas në banesën e tij u morën sende me vlerë dhe shuma lekësh.

Gjykata vlerësoi si të ligjshëm arrestimin në flagrancë të Kuçit dhe mori parasysh kërkesën e prokurorit, duke e lënë të arrestuarin në ‘arrest me burg’.