Çfarë po ndodh? Zhduket biznesmeni në Tiranë

Një biznesmen në Tiranë është shpallur i zhdukur prej 13 ditësh nga familjarët e tij.

Mediat shkruajnë se shtetasi Rruzhdi Hoxha, babai i dy fëmijëve prej thuajse dy javësh nuk ka asnjë kontakt me familjarët e tij. Denoncimi për zhdukjen e tij është bërë nga të afërmit në komisariatin numër 5 në Tiranë.

Sipas informacioneve, ai është larguar nga banesa dhe nuk është kthyer më që prej asaj dite.

Ndërkohë, lidhur me ngjarjen policia ka shoqëruar deri më tani mikun e tij, i cili dhe personi i fundit që dyshohet se e ka parë biznesmenin.

Midis të tjerash, burimet bëjnë me dije se biznesmeni është takuar me mikun e tij dhe ka konsumuar një kafe më pas ai nuk është kthyer më në shtëpi. Deklaratën e tij miku e ka bërë para një jave ku ka theksuar se pas kafes nuk ka pasur më kontakt me Hoxhën.