Ditën e sotme qindra fermerë të Lushnjes kanë dalë për të protestuar.
Në tubim ata kanë parashtruar një sërë kërkesash për qeverinë.
Të mbledhur në rrethrrotullimin e “Plugut” në aksin Lushnje-Rrogozhinë, ata kërkuan subvencionim për njësitë e prodhimit, lehtësim të burokracive, barazim të TVSH në shitje dhe në blerje në bujqësi, sigurimin e prodhimeve të tyre për shitje, etj.
Në rrugë janë vendosur dhe punonjës të shumtë policie.
Fermerët kanë tentuar të bllokojnë autostradën, por nuk janë lejuar nga policia. Rreth 15 persona u shoqëruan në komisariat për protestën.
“Po hedhim mallin në kosh. Nuk marrim as lekët e farave që hedhim. Jemi me kredi, kemi bërë aplikimet për subvencione, emrat kanë dalë, po nuk kemi marrë asnjë lekë akoma. Jemi shumë të zhgënjyer”.
“Nëse nuk plotësohen kërkesat tona, atëherë unë do ta braktis serën. Te puna ime unë punoj 16 orë në ditë dhe nuk del asgjë. S’na ka ngel gjë tjetër veçse të ikim”.
