“Babis e paramendoi me detaje” Burri pilot vrau gruan në Greqi, prokurori nxjerr provat për ngjarjen tronditëse

Prokurori grek George Noulis ka kërkuar që të rëndohet pozita e pilotit Babis Anagnostopoulos.

Ky i fundit vrau gruan Caroline Crouch dhe e bëri gjithë ngjarjen që të duket si grabitje.

Noulis thekson se Babis e kreu krimin tronditës në gjendje të qetë mendore pasi tentonte ta hidhte fajin te personat e tjerë.

Kujdesi për vajzën e çiftit Lidia, i është besuar nënës së Caroline sipas një vendimi të lëshuar nga Maria Vogiatzaki.

Noulis ka dërguar një kërkesë me 24 faqe ku kërkon forcimin e dënimit të Babis. “Pesë minuta kohëzgjatja e mbytjes së viktimës, mënyra e mbylljes së kamerës, drejtimi i hetuese drejt një grabitje të sajuar dhe tentativa e paramenduar për të mashtruar autoritetet”, kanë qenë provat e krimit që sipas Noulis tregojnë gjendjen e qetë mendore në të cilën i akuzuari ka kryer krimin.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Kthjelltësia në hartimin paraprak të krimit mund të nxirret nga fakti se ai është kujdesur që kamerën ta fikë që të mos ketë prova vizuale kundër saj.

Ai ka komplotuar dhe paraqitur një skenar të rremë dhe për të mbështetur gjithë këtë plan është lidhur dhe ka lidhur viktimën, ndërsa ka tentuar të manipulojë telefonatat për të treguar se ka dështuar sepse ka qenë i lidhur”.