Alarmohen banorët/ E veshur me xhup dhe kapuç, vajza nga Lezha del natën me revole në dorë (VIDEO)

Banorët e Lezhës janë alarmuar nga një vajzë e re, e cila del çdo natë me armë në dorë në rrugët e qytetit.

Lajmin e kanë dhënë vetë njerëzit të cilët kanë dërguar edhe video nga kamerat e bizneseve të zonës.

E veshur me një xhup të gjatë deri në fund të këmbëve dhe me kapuçin e vënë në kokë, vajza pasi ecën disa hapa nxjerr armën nga xhepi dhe fillon të lëvizë dorën për lart, ndalon një moment më pas ul armën e nis të eci sërish.

Për fat të mirë rruga ishte bosh dhe nuk kishte qarkullim të njerëzve të tjerë. Nga ana tjetër Policia ka kryer disa kontrolle mbrëmjen e djeshme por nuk kanë arritur rezultat për ta kapur vajzën në fjalë.