Aksident në Librazhd-Qafë Thanë, plagosen dy pasagjerë

Një aksident i rëndë ka ndodhur sot në Librazhd, ku kanë mbetur të plagosur dy persona. Mësohet se aksidenti ka ndodhur në aksin rrugor Librazhd – Qafë Thanë, në Urakë, ku një kamion me drejtues shtetasin me iniciale D.B., banues Elbasan është përplasur me një autobus me drejtues shtetasin me iniciale A.Ll., banues në Lushnje.

Si pasojë janë dëmtuar dhe ndodhen në spital, jashtë rrezikut për jetën shtetasit me iniciale L.S., 50 vjeç, banues në Lushnjë dhe A.L., 30 vjeç, banues në Divjakë, të cilët ishin pasagjerë në autobus.

Grupi hetimor ndodhet në vendin e ngjarjes dhe po punon për sqarimin e rrethanave dhe shkakut të aksidentit.