Vijojnë të dalin detaje të reja nga vrasja e 8-vjeçarit Mateo Vasiu.
Ngjarja ndodhi në fshatin Grecalli të Fierit, ku fqinji Klodian Çalamani i mori jetën fëmijës dhe më pas e groposi për arsye ende të panjohura.
Ditët e fundit ndërkohë në programin “Me zemër të hapur” u konfirmua se nëna e djalit dhe dy të afërme të familjes kanë dëshmuar në polici pasi kanë dyshime të forta se në krimin e rëndë është e përfshirë dhe një grua.
Sipas të dhënave të siguruara, një gjë të tillë e ka mohuar vetë Çalamani, i cili ka pranuar me gjakftohtësi se e ka kryer ai krimin dhe se mban përgjegjësi të plotë mbi këtë gjë.
