A do kandidojë Sali Berisha për kryeministër? Blendi Fevziu tregon çfarë mund të ndodhë

Gazetari i njohur Blendi Fevziu ka deklaruar se lideri demokrat Lulzim Basha nuk hyn në një garë për kryetar të PD sepse mendon që është më i dobët.

Ai shton se mbështetja e ambasadores amerikanë në Tiranë, Yuri Kim ndaj Bashës është evidente dhe nuk e surprizon.

Më tej Fevziu tregoi gjithashtu dhe raste konkrete kur një mbështetje e ambasadës Amerikane është vënë re në raste të tjera në partitë shqiptare.

Lidhur me deklaratën e ish-kryeministrit Sali Berisha se do të kandidoje për kryeministër në zgjedhjet e ardhshme, Fevziu u shpreh se nëse Berisha arrin të marrë kryesimin e PD zgjidhja më e mirë është të rihapë një garë reale për kryetar të partisë.

“Është në koherencë me qëndrimet që ka mbajtur ambasadorja e SHBA. Ambasadorja është në të drejtën e saj dhe SHBA mund të marrë çdo vendim, problemi këtu është që të zgjidhet brenda PD. Është e qartë që Kim po mbështet Bashën.

Në Shqipëri nuk ka ndodhur kurrë të ketë qenë i reduktuar, ata kanë marrë pjesë. Brenda PD në 97 dhe 98 kanë mbështetur Pollon, ka qenë evidente. Mbështetja e Majkos gjithashtu.

Mbështetja e Kim ndaj Bashës nuk më surprizon.

Në gjykimin askush nuk e ka pritur që Berisha të largohet. SHBA duhet të tregojë çfarë ka për të.

Në Shqipëri nuk duhet ti shohim gjërat në momentin e fundit dhe problemet që kemi pasur mos të bëjmë sikur nuk i kemi pasur. Kjo është një krizë shumë e madhe e opozitës, por një gjë është e qartë që kë po mbështet shumica.

Nëse do të dish mendimin tim, shkon më tej se brenda PD dhe pse nuk ka mekanizëm.

Basha mendon se këtë moment është i dobët ndaj nuk hynë në garë për kryetar.

Më duket e vështirë që Berisha të jetë kryeministër dhe të konkurrojë me Ramën pas 4 vitesh. Nëse Berisha arrin të marrë kryesimin e PD, zgjidhja më e mirë që mund të bënte është të hapte një garë reale për drejtuesin e PD. Duhet të hapet një garë. Nëse Berisha merr votat e shqiptarëve dhe 90 vjeç ka të drejtë. Sot është shumë e thjeshtë të kuptosh kush mbështetet më shumë përmes sondazheve. Ne kemi një mazhorancë që funksionon në bazë të sondazheve. Sot kjo gjë është lehtësisht e zgjidhshme.

Nuk është problem procedurash, kjo është çështje politike. Në mazhorancë kush ka më shumë vota është i parë, në demokraci ka garë. Mund të bëjmë sondazhe gjithë ditën, por çdo gjë shihet në terren.”