55-vjeçari vdes pasi goditet nga demi në festivalin vjetor 

Një 55-vjeçar ka vdekur pasi është goditur nga një dem në një festival në Spanjë, duke shënuar edhe vdekjen e parë të këtij lloji në vend që nga fillimi i pandemisë.

Kafsha u filmua ditën e shtunë teksa ndiqte viktimën dhe e hidhte në tokë, teksa shikuesit e tronditur u strehuan në derën e një dyqani vetëm disa metra larg.

Pjesëmarrësit e tjerë në festival, në provincën lindore të Castellon, u përpoqën të joshin demin për ta ndaluar atë të sulmonte sërish të plagosurin, ndërsa ai shtrihej pa ndjenja në tokë.

Ai u dërgua në spital ku u shpall i vdekur pas hemorragjisë së gjakut nga një plagë në kofshën e majtë pranë ijeve, e cila kishte shpuar arterien.

Zyrtarët e bashkisë së Ondas njoftuan se po pezullonin pjesën tjetër të aktiviteteve kur mësuan se ai kishte humbur jetën.