Vijon aksioni i policisë në Zveçan, 6 persona të lënduar kërkojnë ndihmë mjekësore

Policia e Kosovës sot në orët e para të mëngjesit ka nisur një operacion kundër mallrave të kontrabanduara. Aksioni është duke u zhvilluar në Zveçan, ku situata është e tensionuar siç ishte më herët edhe në veri të Mitrovicës.

Serbët kanë bllokuar rrugët në këtë komunë, teksa policia është duke përdorur gaz lotsjellës. Policia është sulmuar edhe gjatë aksionit në veri të Mitrovicës.

Drejtori i Qendrës Shëndetësore në Mitrovicë të Veriut, Zllatan Ellek tha se gjashtë persona kanë kërkuar ndihmë mjekësore pasi kanë kundërshtuar aksionin policor.

Ai nuk specifikoi dot se për çfarë lëndimesh bëhet fjalë sepse sipas tij, “pacientët janë në fazën e diagnostikimit”.
“Lëndimet janë shkaktuar nga bombat zhurmuese, ata aktualisht janë në departamentin e pranimit në kirurgji. Ekzaminimi është duke u zhvilluar, që do të thotë lëndime nga bomba zhurmuese dhe gaz lotsjellës”, tha Ellek për Radion Evropa e Lirë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Policia e Kosovës ka nisur një operacion në disa lokacione të ndryshme, ku bëjnë pjesë katër rajone të Kosovës si Prishtinë, Pejë, Mitrovicë Jugu dhe Mitrovicë Veriore, ku është goditur rrjeti i kontrabandës.

“Policia e Kosovës, në vazhdën e realizimit të objektivave strategjike për parandalim të veprave penale, konkretisht luftën e pa kompromis ndaj kontrabandës së mallrave, sot në orët e hershme të mëngjesit ka filluar realizimin e një operacioni policor i cili përfshinë disa lokacione të ndryshme, ku bëjnë pjesë katër rajone të Kosovës si Prishtinë, Pejë, Mitrovicë Jugu dhe Mitrovicë Veri”, thuhet në njoftim.