Video/ Gjeli ‘ngre në këmbë’ lagjen duke plagosur kalimtarët

Një burrë në një lagje të Neë York-ut u sulmua gjatë rrugës për në punë.

Në fillim, kur mendon për një sulm mendja padyshim që mund të shkojë të bandat e armatosura ose tek qentë. Por, incidenti i raportuar nga mediat e huaja është disi i ndryshëm, pasi autori ishte një gjel.

“Viktima” e tij e fundit ishte një burrë i cili po kthehej në shtëpi nga puna.

“Si zakonisht po kthehesha nga puna dhe ndjeva një pickim në dorën e majtë,” tha Leon Suseran , i cili u përpoq ta godiste me këmbë, por ai vazhdonte ta kafshonte.

“Ai ishte agresiv, gati djallëzor. Ndërsa gjaku buronte nga plaga, ai po përpiqej të më kafshonte përsëri.”

“Armiku me pendë” nuk është vetëm ndonjë gjel i zakonshëm, pasi ka një reputacion në lagje.

“Kam dëgjuar që fëmijët nuk mund të ngasin skuter dhe nuk mund të ecin lirshëm. Duhet të jeni të kujdesshëm tani nga gjeli,” tha fqinji duke qeshur. shkruan NBC.

Është e vështirë të mos qeshësh me idenë se njerëzit tanimë duhet të mbajnë sytë hapur dhe të mbrohen nga një gjel sulmues në rrugët e qytetit të Nju Jorkut.