“Vetëm shërbimi 5600 euro” Klienti zëmërohet nga fatura në restorantin e Nusretit, plot 43 mijë euro të shpenzuara

Së fundmi në rrjetet sociale në mbarë botën është bërë virale një faturë e re e dalë nga restoranti “Salt Bae” në Londër, biznes që e ka në pronësi kuzhinieri i famshëm Nusret.

Por zëmërimi ndaj këtij biznesi vazhdon pa u ndalur, fillimisht për komentet negative në lidhje me çmimet.

Më pas u bënë dhe krahasime me një kompani tjetër që ofron të njëjtin biftek 600 euro më lirë se kasapi turk.

Tani, në qendër të vëmendjes është një faturë tjetër nga dyqani i Nusret Gokçe , çmimi total i së cilës mund të përshkruhet vetëm si skandaloze.

Kjo sepse llogaria e ngarkuar nga një klient kishte një total prej 37,000 paundësh, ekuivalent me 43,000 € , nga të cilat 5,600 janë për shërbim.

Siç mund ta shihni vetëm mishi i Artë bën 944 euro, ndërsa porosia përfshinte 16 bakllava të zakonshme të cilat kushtonin 472 euro.

Sigurisht, fatura u rrit në nivele të tilla për shkak të verërave të shtrenjta, të cilat kushtuan 34,000 euro.

Shumë komentuan negativisht mbi çmimet jashtëzakonisht të larta, ndërsa të tjerët fajësuan ata për klientët të cilët jo vetëm që shpenzuan para të tilla, por i lansuan ato në mediat sociale.