Vëllai i ish-anëtarit të “Bandës së Fierit”/ Kush është biznesmei që u qëllua për vdekje nga makina në lëvizje

Një ngjarje tepër e rëndë ndodhi mbrëmjen e sotme në Fier ku 57-vjecari Demir Backa është qëlluar për vdekje nga një automjet në lëvizje.

Mësohet se viktima është vëllai i ish-anëtarit të bandës së Fierit i cili është vrarë në  vitin 1997. Ai është po ashtu pronar i një lokali në qendër të Fierit ku edhe u vra si dhe pronar i një hoteli në Sarandë. Vëllai i tij  Medi Backa është vrarë pasi kishin vjedhur një bankë në Sarandë para 24 vitesh dhe gjatë kthimit së bashku me 16 persona të tjerë janë vrarë.

Ende nuk dihen motivet e kësaj ngjarje të rëndë ndërkohë që një makinë e djegur është gjetur pak momente më parë në Bypassin e Fierit.