LIGJET E BIZNESIT
Zbardhet dëshmia e punonjësit të pishinës në Qerret, ku humbën jetën tre ditë më parë në rrethana misterioze katër turistët rusë.
Punonjësi ka deklaruar se turistët kishin kërkuar që të bëhej gati zona e SPA-së, pasi donin që të shplodheshin pas udhëtimit në Maqedoninë e Veriut.
Ai është shprehur se ditën e premte në mëngjes kishte larë dhe kishte dezinfektuar me klor pishinën dhe e kishte bërë gati për turistët.
“Punonjësit e hotelit janë dëshmitarët kyç të kësaj ngjarjeje, hetimet e së cilës janë shtrirë në tre shtete. Ka qenë punonjësja e recepsionit, që ka gjetur të pajetë turistët. E rëndësishme është edhe dëshmia e punonjësit të pishinës, që deklaron se pishina ka qëndruar e mbyllur për afro një javë. Një natë më parë turistët kanë kontaktuar hotelin dhe kanë kërkuar që të bëhej gati zona e SPA, që ata të shplodheshin pasi të ktheheshin nga vizita disa orëshe në Maqedoni të Veriut. Ai thotë se në orët e para të mëngjesit të së premtes e ka larë pishinën, ka zbrazur gjithë ujin, e ka larë me furçë, ka përdorur klorin për ta dezinfektuar dhe e ka bërë gati, që ta përdornin turistët”, raporton gazetarja Lala.
Midis pistave ku po hetohet është edhe ajo e asfiksisë nga klori, por mbetet edhe pista e helmimit të mundshëm.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Përmendim që të premten në mënyrë misterioze në hotelin “Gloria” kanë ndërruar jetë 4 turistët rusë, çifti Natalia Burenkova, 58 vjeçe, Sergei Burenkov, 60 vjeç, dhëndri i tyre, Nikita Belousov, 37 vjeç, dhe vajza e tyre, Ekaterina Burenkova, 31 vjeçe.
