Policia e Beratit ka arrestuar një 33-vjeçar, si autor i një aksidenti me vdekje të ndodhur para katër ditësh.
Në pranga ka rënë i riu Ardit Lila, banues në Durrës, që në vendin e quajtur “Çentër Shqiptare”, Kombinat, duke drejtuar mjetin tip “Opel”, goditi shtetasin me iniciale A.A, i cili humbi jetën, dhe më pas u largua nga vendi ngjarjes.
Bëhet me dije se mjeti që e ka goditur dhe është larguar nga vendngjarja ka qenë një Fuoristradë e zezë, që pas goditjes e ka tërhequr disa metra zvarrë viktimën 56-vjeçare, Artur Abazaj, i cili sapo kishte lënë punën në fasoneri dhe po kthehej për në shtëpi.
Njoftimi i policisë:
Aksidentoi një shtetas me pasojë vdekjen, identifikohet, kapet dhe ndalohet drejtuesi i mjetit.
Nga specialistët e Sektorit për Qarkullimin Rrugor u bë ndalimi i shtetasit A.L., 33 vjeç, banues në Durrës, pasi më datë 19.10.2021, në vendin e quajtur “Çentër Shqiptare”, Kombinat, duke drejtuar mjetin tip “Opel”, goditi shtetasin A.A, i cili humbi jetën, dhe më pas u largua nga vendi ngjarjes.
Marerialet i kaluan Prokurorisë së Rrethit Gjyqësor Berat, për veprat penale “Drejtimi i mjetit në mënyrë të parregullt” dhe “Largim nga vendi i aksidentit”.
